ಇಹ ಪರ

ಮನದಿಂದ ಮನಕೆ ಹರಿದ ಜೀವನದಿಯ ಜಾಡು ಹಿಡಿದು.....

ಮೌನದಲ್ಲೂ ಮಾತು ಹುಡುಕುತ್ತಿದ್ದೇನೆ.....ಗೆಳೆಯ..

ನಿನ್ನ ಇರವನ್ನು ನನ್ನಲ್ಲಿ  ಕಂಡುಕೊಂಡಿದ್ದೇನೆ.....

ಬರುವೆಯೋ ಬಾರೆಯೋ...

ಸಿಗುವೆಯೋ ಸಿಗದಿರುವೆಯೋ...

ಇದರ ಪರಿವೆ ನನಗಿಲ್ಲ....

ಅದರ ಗೊಡವೆಯು  ನನಗಿಲ್ಲ.....

ಇದ್ದರು ಇರದ ಹಾಗಿರುವ ಎಷ್ಟೋ ಸಂಬಂಧಗಳಿಗಿಂತ

ನಮ್ಮ ಬಂಧ ಮಿಗಿಲು...ಗೆಳೆಯ.......

ಅಂತರಂಗ ನುಡಿಸೋ ಸುಪ್ತಗೀತೆಯಂತೆ.....

ಅಂತರಾಳದಲ್ಲಿ ಹರಿಯೋ ಮಂದಕಿನಿಯಂತೆ.....

ಮನದ ಗೂಡಲ್ಲಿ ಮಿಡಿಯೋ ಗುಪ್ತಗಾಮಿನಿಯಂತೆ ......

ಕಣ್ಣಿಗೆ ಕಾಣದ.... ಏನನ್ನು ಕೇಳದ.....

ಆದರೂ ನನ್ನನ್ನೇ ಆವರಿಸಿರುವ............

ನೀನು  ನಿನ್ನ ಇರವು ನಿರಂತರ...

ಮೀರಿ ನಿಂತಿದೆ ಇಹ ಪರ............