Thursday 11 September 2014

ಹೀಗೊಂದು ಕಥೆ .....

ಅಂದೆಂದೋ ಅವಳು ಅಳುವಾಗ 
ಚಿಕ್ಕಮ್ಮ ಕನ್ನಡಿ ಕೊಟ್ಟು ಹೇಳಿದ್ದಳು 
'ನೋಡು , ಎಂತ ಚೆಂದದ ಮುಖ ಅತ್ತರೆ ಹೇಗೆ ಕಾಣುತ್ತೆ ನೋಡು" 
'ಹೌದಲ್ಲವಾ, ಅತ್ತರೆ ನಾ ಚೆಂದ ಕಾಣೋದಿಲ್ಲ ನಾ ಇನ್ನು ಮುಂದೆ ಅಳೋದೇ ಇಲ್ಲ ಚಿಕ್ಕಮ್ಮ .... ' 
ಮುಂದೆಂದೂ ಅವಳು ಅಳಲೇ ಇಲ್ಲ... ಅತ್ತರೆ ಮೊಗದ ಚೆಂದ ಕುಂದುವುದೆಂದು ಅಳಲೇ ಇಲ್ಲ ... 
ಇಂದೂ ಅವಳು ಅತ್ತಿದ್ದ ಯಾರು ಕಂಡಿಲ್ಲ , 
ಕನ್ನಡಿಗೂ ಕಾಣದಂತೆ ಅಳುವುದ ಪರಿಪಾಠ ಮಾಡಿಕೊಂಡವಳಲ್ಲವೇ ಅಳುವ ಕಡಲೊಳು ನಗೆಯ ದೋಣಿ ನಡೆಸುತ್ತಿದ್ದಾಳೆ ........ !!!!

1 comment:

  1. ಕನ್ನಡಿಗೂ ಕಾಣದೆ ಅಳುವ ಪರಿಪಾಠ ನಾನೂ ರೂಡಿಸಿಕೊಳ್ಳಬೇಕಿದೆ.

    ReplyDelete

ನೆನ್ನೆ ಮಂಜು ಮತ್ತೆ ನಾನು ಮಹದೇಶ್ವರ ಬೆಟ್ಟಕ್ಕೆ ಹೋಗಿದ್ವಿ. ದರ್ಶನ ಎಲ್ಲಾ ಮುಗಿದ ಮೇಲೆ ಮಂಜು ತಿಂಡಿ ತಿಂದು ಹೊರಡೋಣ ಅಂದ್ರು. ನಾ ಬಸ್ ಪಯಾಣ ಮಾಡೋವಾಗ ಏನೂ ತಿನ್ನೋದಿ...