ಮುಂಜಾವು

ನಸುಬೆಳಕಿನ

ತುಸುಕತ್ತಲ ...

ಇಳೆಗೆ ರವಿಯ ಉಸಿರು ಸೋಕೋ ವೇಳೆ

ಮನೆಯ ಮುಂದಿನ ಮರದ ಮೇಲೆ ..

ಪುಟ್ಟ ಹಕ್ಕಿಗಳ ಪ್ರಣಯ ಲೀಲೆ...

ಒಲವಿನ ಅದು..ಚೆಲುವಿನ ಇದು...

ಪಿಸು ಮಾತು...ಒರೆ ನೋಟ

ನಲಿವು, ಆಸೆ, ನಂಬಿಕೆ....

ಉಲ್ಲಾಸದ ಲಹರಿ...

ಪ್ರೇಮದ ಪ್ರತಾಪ...

ಯಾವುದೊ ಕಾಣದ ಸೂತ್ರಕ್ಕೆ ಸಿಕ್ಕಂತೆ

ನಗುತ್ತ ಎದ್ದು ಹೂಯ್ತೊಂದು ಹಕ್ಕಿ...

ಒಡಲೊಳಗೆ ಕದಲುತ್ತ...

ಮನದೊಳಗೆ ಕರಗುತ್ತಾ...

ನಭದಿಂದ ಧರೆಗಿಳಿದ

ಇನ್ನೊಂದು ಹಕ್ಕಿ..

ಕಾಯುತ್ತಿದೆ..

ಮತ್ತೊಂದು ಬೆಳಗಿಗಾಗಿ...

ಅದೇ ಬೆಳಕಿಗಾಗಿ...

ನಾನೂ ಕಾಯುತ್ತಿದ್ದೇನೆ ನಾಳಿನ ಬೆಳಗಿಗಾಗಿ..

ಪುಟ್ಟ ಹಕ್ಕಿಗಳ ಮಿಲನಕ್ಕಾಗಿ..

ಮಧುರ ಚಿಲಿಪಿಲಿಗಾಗಿ..